عالم الشيطان فى (عمر حرب)

بسم الله الرحمن الرحيم

الريس عمر حرب
فيلم استفزازى درجة اولى
يعبر عن انه العالم ملئ بالشياطين
وانه الشيطان هو المتحكم فى كل شئ
اخراج خالد يوسف (خليفة يوسف شاهين)

الفيلم لما يكتر عليه الجدل بينجحه
ولكن الجدل اثير لأن الفيلم خادش للحياء

قصة الفيلم عبارة عن كازينو
وخالد صالح هو مالك الكازينو
ويقوم بتحريك كل شئ على حسب رغبته
هانى سلامة هو الديلر
ومعاه بعض الشياطين (سمية الخشاب وغادة عبد الرازق)

الفيلم اتقالت فيه بعض الالفاظ اللى ماينفعش انها تتقال

مثل انا اسطفيتك ممكن يقول انا اختارتك
ولكن كدة هو بيقول انا الله (استغفر الله العظيم)
وفى مشهد خالد صالح بيقول لهانى سلامة لو الدنيا كلها عايزة تئذيك وانت معايا مش هتقدر
يعنى بيقارن نفسه بالله بردو
خالد صالح طالع دور الشرير
اللى بيتحكم فى كل حاجة
ولو حد خرج عن القوانين اللى هو بيحطها
بيفضل عايش طول عمره بعاهة علشان يبقى عبرة لغيره
او بيموت خالص
قمة السخرية وقلة الأدب

بالاضافة الى المشاهد الجنسية فى الفيلم
ليس مجرد لقطات
لكن مشاهد جنسيه بالتفاصيل الكاملة

اين الرقابة من هذا الفيلم؟؟؟

الفيلم مكتوب عليه للكبار فقط

ولكن الكبار فقط فوق 16 سنة

يعنى سن مراهقة

حرام لما يشوفو فيلم زى ده

حرام لما يشوفو الانحراف بعينيهم

غادة عبد الرازق اقل ما يقال عنها فى الفيلم انها شيطانة
كانت بتبيع كل حاجة علشان تلعب قمار وبس
وصلت انها تبيع بنتها ....!!
باعت بنتها ب 10 الاف دولار لأمير عربى
غير انها باعت نفسها
ناهيك عن العلاقات الجنسية مع هانى سلامة والأفعال الغريبة التى كانت تقوم بها

الشهوة والفلوس هو السمة الأساسية فى الفيلم

سمية الخشاب
دورها لا يقل عن دور غادة عبد الرازق
ولكن هى اهون منها بكتير

الفيلم البعض فسره انه الكازينو هى الدنيا اللى بتلهى الناس
وانه خالد صالح هو الشيطان الذى يغوى الناس

ولكن السينما المصرية هى التى تبين ثقافة المصريين للشعوب الأخرى

زمان كان اى واحد من بلد عربى
تسئلو تعرف ايه عن المصرين
يقولك زى هند رستم يعنى كلها اغراء وخدش للحياء

لما الفيلم ده يتعرض
تفتكرو هتبقى وجهة نظر الناس للمجتمع المصرى ايه...؟؟؟


الفيلم ليه قصة اه
ولكن كان ممكن يتعمل بطريقة احسن من كدة
بدون ايحائات جنسية والفاظ خارجة عن الأداب

اين الرقابة من هذا الفيلم....؟؟

الفيلم اقل ما يقال عليه انه مستوى جيد من الاخراج والتأليف والتمثيل
ولكنه حقير بمعنى الكلمة
وبيصور انه كل العالم مقامرين
والفتيات (بدون شرف)
وانه كل انسان مستعد يبقى عبد للفلوس

الفيلم ايضا بيعبر انه لو واحد اتحط فى طريق الانحراف زى هانى سلامة
صعب يرجع انه يبقى كويس

ولكن دى مش حقيقة
ربنا يتقبل التوبة من اى حد
وممكن واحد يخطئ ويرجع فى الاخر للطريق الصح


الفيلم فيه جدال كتير
وكلام كتير

بس الأهم من كل ده الشباب...؟؟؟

الشباب اللى بيشوفو الفيلم ده
وعينيهم بتتفتح على حاجات شيطانية

16 سنة سن خطر بيبقى عايز يجرب كل حاجة

لما يشوفو كدة وهما عندهم 16 سنة
كل واحد لما هيكبر هيبقى ايه...؟؟

هنبكى تانى ونقول يا حسرة على امة ضاع شبابها..؟؟

ولا هنبكى على امة ضاع فيها كل حاجة...؟؟

لينا مناقشة تانية وتالتة ورابعة

لأنه مش مثير للجدل وبس
ده المفروض كل فرد فى المجتمع المصرى يرفع قضية على الفيلم ده


وختام كلامى
يا حسرة على امة ضاع شبابها
وضاع فيها كل حاجة


ملحوظة: الفيلم لما قريت عنه انتقادات كتير اثار فضولى انى اشوفه وبقيت اجمع كل حاجة اتكتبت عنه علشان احاول اوصل للفكرة بدون ما ادخله علشان انا فى الاخر بنت يعنى صعب ادخل فيلم زى ده
وبعد ما جمعت كل حاجة عنه واحدة صاحبتى شافته وحكتلى عليه بأدق التفاصيل
و كمان كانت مصورة حاجات بالموبايل فتقريبا عرفت محوره كله
ونصيحة لأى بنت او اى ولد كمان بمقاطعة الفيلم ده
ولو ولد شاف الفيلم ياريت هو يناقشه بطريقته لأنه فى بعض النقط انا مقدرش اتكلم فيها

مرسي بسومه علي المعلومات الحلوه دي
تسلم ايدك

مرسى لولا لمرورك

بسم الله الرحمن الرحيم
احب انى اقول انك ناقدة سينمائية حلوة اوى وبما انى مشرف اخبار السينما وممثل وكمان شفت الفيلم وعلى فكرة هو اول فيلم اتفرجت عليه في الصيف
الفيلم ياخد من 10 ( 2 ) بس الفيلم تأليف عادي مش عاجبني بالمرة لانه متألف غلط وفيه غلطات مؤلف كتير مش عارف عدت ازاى على مخرج في حجم خالد يوسف الفيلم ترميز لخالد صالح انه زي الشيطان والصالة زي الدنيا وهانى سلامة انسان وعلاقته بالشيطان الفيلم بقى بما انه ترميز يبقى مينفعش التبريق اللى بيعمله خالد صالح بعنيه بيغير كل حاجة والاستاذ هانى فوزى المؤلف كاتب الفيلم بطريقة غبية يعني كاتب في سيناريو الفيلم 9 مشاهد جريئة 7 للفنانة اوى غادة عبد الرازق اللى هى اساسا مشاهدها 9 يعني ليها مشهدين بس عاديين والمشهدين دول كانوا عبارة عن خناقة مع سمية الخشاب ومشهد بيع بنتها يعني انا ربطت وجودها قدام الكاميرا بوجود مشهد جرئ وسمية الخشاب كان ليها مشهدين مشهد سافل بكل تفاصيله ومشهد عادى المهم انا خرجت من الفيلم ده مقفول من غادة وسمية وزعلت على ذكاء خالد صالح اللى خانه في الفيلم ده واكيد خالد صالح قبل الدور عشان معرفش يقول لخالد يوسف لا وعشان نفسه يعمل دور شر اوى واكيد مفيش شر اكتر من انه يكون شيطان نمسك بقى التمثيل :
1/ هانى سلامة 3 من 10 لان دوره يعتبر ريأكشنات وكلامه كله بلاى باك
2/ خالد صالح 2 من 10 كان عادى ومكنش مقنع في الدور لان الدور اساسا مكتوب غلط
3/ سمية الخشاب 2 من 10 دورها كان عادى جدا عجبنى ليها مشهد الفراشة بس
4/ غادة عبد الرازق 1 من 10 مفيش دور طالعة في الفيلم عشان تعمل مشاهد جريئة ومفيش ليها غير مشهد بيع بنتها
التأليف :
هاني فوزي صفر بالجامد اوي سيناريو واحد في ابتدائي
الاخراج :
لازم خالد يوسف الفترة الجاية دي يختار حلو اوي عشان يرجع على مستوى حين ميسرة تانى ياخد 4 من 10
بس هو ده رأيي في الفيلم